ATV telekanalında yayımlanan "Bizimləsən" verlişinə müraciət edən Elza Paşayeva övladının sağlamlığına nail olub.
Elza xanımın anadangəlmə ürək qüsurlu doğulan 5 yaşlı oğlu Murada Almaniyada əməliyyat lazım olub. Muradın əməliyyatı üçün 112 min manat vəsait tələb olunsa da, buna imkanları çatmayıb. ATV televiziyasına üz tutan Elza xanım canlı yayımlanan "Bizimləsən" verilişinin qonağı olub və aparıcı Zaur Baxşəliyevin səyi nəticəsində qısa müddət ərzində 112 min manat pul toplanıb. Bununla 5 yaşlı Murad Almaniyada iki dəfə ürəyindən uğurla əməliyyat edilərək, sağlam şəkildə Vətənə geri dönüb.
Sevinci yerə-göyə sığmayan ana ATV telekanalının qarşısında əhd etdyi qurbanını kəsərək, ATV kanalına, Zaur Baxşəliyev olmaqla "Bizimləsən"komandasına və övladına dəstək olan hər kəsə öz təşəkkürünü bildirib.