Mədəniyyət sahəsində qeyri-hökumət təşkilatlarının fəaliyyətinin dəstəklənməsi məqsədi ilə 2020-ci il üçün Mədəniyyət Nazirliyi müsabiqə elan edir.
starxeber.az xəbər verir ki, müsabiqə aşağıda müəyyən edilmiş tədbirlər üzrə aparılacaq.
1.Xalq yaradıcılığı və sənətkarlığın inkişafına dair təşəbbüslər 2.“Müasir dünyanın multikultural məkanı: Azərbaycan” mövzusunda tədbirlərin təşkilinə dair təşəbbüslərin dəstəklənməsi
3.Regionlarda mədəni-kütləvi tədbirlərin dəstəklənməsinə dair təşəbbüslər
Müsabiqədə iştirak etmək istəyən QHT-lər 2020-ci ilin mart ayının 03-dək ərizələrini müsabiqənin şərtlərinə uyğun aşağıdakı sənədlərlə birlikdə Nazirliyə təqdim etməlidir. Azərbaycan Respublikası Mədəniyyət Nazirliyinin Müsabiqə Komissiyasının sədrinə məktub;
QHT-nin dövlət qeydiyyatına alınması barədə hüquqi şəxslərin dövlət reyestrindən çıxarışın surəti;
Tədbirin keçirilməsi nəzərdə tutulan mədəniyyət sahəsində mövcud vəziyyətin təhlili;
Tədbirlə bağlı qarşıya qoyulan vəzifələrin əhatə olunması və gözlənilən nəticələr barədə qısa məlumatlar; Tədbirin keçiriləcəyi yer və tarix;
Tədbirin keçirilməsi ilə bağlı xərclər smetası (müvafiq hesablamalar və əsaslandırıcı sənədlərlə birlikdə); Tədbirin təşkilatçıları və iştirakçıları ilə bağlı məlumatlar. Ünvan:
AZ 1000, Bakı şəhəri, Hökumət Evi, Ü.Hacıbəyov küçəsi 40. Tel: (012) 498-79-53 (012) 498-20-62
Azərbaycan Respublikası Mədəniyyət Nazirliyi İnformasiya və ictimaiyyətlə əlaqələr şöbəsi Əlaqələndirici şəxs: Elnarə Quliyeva Email: qht.medeniyyet@gmail.com Tel: (012) 498-79-53 (012) 498-20-62