» » Arxayın olaq, Qarabağda Azərbaycan və Türkiyə bayraqları

 |  14-11-20 21:15  |    157      Sosial

“Dövlətimizin, xalqımızın, ordumuzun gücünə, qardaş və dostlarımızın dəstəyinə arxayın olaq, amma ehtiyatı da əldən verməyək...”

28 ildən sonra Rusiya ordusunun sülhməramlı adı altında Azərbaycan Respublikasının beynəlxalq miqyasda tanınan hüquqi-tarixi ərazisinə - “Laçın dəhlizi” və keçmiş “Dağlıq Qarabağ” adlanan bölgəyə daxil olması cəmiyyətdə müəyyən təşviş, əndişə yaradır. Bir daha təkrar edirik ki, dünyada və regiondakı geosiyasi situasiya 1990-cı illərdəkindən tamamilə fərqlidir. Əvvəla, artıq sovet imperiyası dağılıb, Azərbaycan 29 yaşlı müstəqil dövlətdir, eləcə də Rusiya həmin qüdrətə, gücə sahib ölkə deyil. İkincisi də əgər Rusiya dolayısıyla Ermənistana dəstək verəsi olsa belə, bizim də arxamızda Türkiyə qardaşımız dayanır...

Oxu24.com-un Qarabağın ürəyindən – Şuşanın girişindən əldə etdiyi son foto-görüntülərdən birində də sanki mövcud reallıq əks olunur.

Fotoda Şuşaya daxil olan yolun üstündə- “Şuşa” yazılmış transparantın üzərində Türkiyə bayrağı aydın görünür. Amma diqqət etsək, azca sağda digər dirəyin üzərində üçrəngli Azərbaycan bayrağının da konturları sezilir.

 Rusiya sülhməramlılarının bayraqları isə yalnız aşağıda- yolda, avtomobilin üzərində və yolun kənarındadır... 

Özümüzün – Qarabağdakı son hədəflərə çatmaq üçün dövlətimizin, xalqımızın, ordumuzun gücünə, qardaş və dostlarımızın dəstəyinə arxayın olaq, amma ehtiyatı da əldən verməyək...