Ermənistanın Televiziya və radio üzrə Milli Komissiyasının sədri baş nazir Nikol Paşinyanın Yeni il nitqini bəzi telekanalların yayımlamamasına münasibət bildirib.

starxeber.az   "Sputnik Armenia"ya istinadən xəbər verir ki, müstəqillik illəri ərzində Ermənistanda belə hadisə ilk dəfə idi ki, yaşanırdı. 

Paşinyanın çıxışını "Erkir media", "5-ci kanal", "Armnyus" və "Ermənistanın 2-ci telekanalı" baykot edib.

Komissiyanın sədri Tiqran Akopyan bu situasiyanın diqqətdən kənar qalmadığını və sosial şəbəkələrdə qınaq obyektinə çevrildiyini deyib.

"Baş nazirin çıxışını efirə verib, verməmək şəxsi işləridir, amma problem mənəvi-etnik məsələlər, dövlətçiliyin qorunmasındadır. Qanunla baş nazirin çıxışı verilməsə də, saat 00.00-da heç olmasa Ermənistanın himni səsləndirilməlidir"

Xatırladaq ki, Paşinyanın koronavirusla bağlı 17 aprel müraciəti də bir gün sonra məzhəkəyə qoyulmuş və Nikol gülüş hədəfinə çevrilmişdi.

Onu deyək ki, Ermənistan müxalifəti hələ də Paşinyanın istefasını tələb edir.