» » Hacı Zeynalabdin qəsəbədə icra nümayəndəsi kimdir:

 |  05-12-19 10:12  |    319      Sosial

Qəsəbəni kim idarə edir: Lalə Hacıyeva, yoxsa katibəsi Əsli Qasımovla sürücüsü Nöfəl? 

Hacı Zeynalabdin qəsəbəsi ilə bağlı oduqca maraqlı məlumat daxil olub. 

Saytımıza verilən məlumata görə, qəsəbənin icra nümayəndəsi Lalə Haciyevanın  yaratdığı vəziyyət insanları təngə gətirib. Özbaşınalıq, korrupsiya və məmurların vətəndaşlara qarşı hörmətsiz davranması səbəbindən dəfələrlə narazılıqlar yaşatsa da, nəinki bunların qarşısı alınıb, əksinə, 2 ildən artıqdır ki, qəsəbəyə rəhbərlik edən Hacıyeva tam bir nəzarətsizlik mühiti yaradıb. 

Məlumatda bildiririlir ki, ölkə başçısı İlham Əliyev sahibkarlara şəraitin yaradılmasını dəfələrlə çıxışlarında vurğulsa da, Hacıyeva bu tapşırıqları gözardı edir. Bununla yanaşı, qəsəbədə bir məqam xüsusi ilə diqqəti çəkir. O da Hacı Zeynalabdinin icra nümayəndəsinin  kim olmasıdır. Rəsmi olaraq Lalə Hacıyevanın icra nümayəndəsi təyin edildiyi dəqiqdir. Amma onun katibəsi və sürücüsünün çıxdığı oyunlar isə tamam başqa təsəvvür yaradır. Bu barədə açıqlama verən adının çəkilməsini istəməyən qəsəbə  sakinlərindən biri vurğulayıb ki, icra nümayəndəsinin katibəsi Əsli Qasımova və katibənin atası sürücü Nöfəl İcra Nümayəndəsinin binasında sözün həqiqi mənasında «at oynadır».