» » Rusiya Qarabağa 22 təyyarə göndərir

 |  10-11-20 21:25  |    140      Dünya

Rusiya Qarabağa sülhməramlılarını ən azı 22 İl-76 hərbi-nəqliyyat təyyarəsi ilə göndərəcək.

starxeber.az xəbər verir ki, bu barədə Rusiya Müdafiə Nazirliyinin Milli Müdafiə İdarəetmə Mərkəzinin yaydığı videoda qeyd olunub.


"Rusiya hərbi kontingentinin hərbi-nəqliyyat aviasiyası təyyarələri ilə daşınma qrafikini dəqiqləşdirirəm: 11 təyyarə təyinat aerodromlarına uçuşları yerinə yetirir, 11 təyyarə yüklənib, uçuş zamanını gözləyir", - mərkəz işçiləri Rusiya Federasiyasının Milli Müdafiə İdarəetmə Mərkəzinin rəisi, general-polkovnik Mixail Mizintsevə hesabat veriblər.


1,5 dəqiqə davam edən videoçarxda Mizintsev təyyarələrin uçuş qrafikinin dəqiqləşdirilməsini, Ermənistan və Azərbaycanın hava məkanından istifadə etməklə iki İl-76 təyyarə qrupunun eyni vaxtda fəaliyyət göstərməsini təmin etməyi tapşırıb: üç təyyarədən ibarət qruplar 3 saatdan artıq olmayan intervalla uçuşları yerinə yetirəcəklər. /Axar.az